الرئيسية
أحدث الصور
من طرف ارجو من ناس السكة حديد ان يصحوا فما عرفت السكة حديد في يوم من الايام بالكسل ولا التخاذل فوجود اعضاء مسجلين في المنتدي لايعني باي حال من الاحوال ان المنتدي متحرك فالرجاء من الجميع الاسهام بتنشيط المنتدي واعتقد ان المنتدي اضاف للجميع مساحات للتواصل واهم حاجة اننا اصبحنا نعرف اين يوجد البعض بعد ان عملت فينا الغربة ما عملت يا ناس السكة حديد ما بتتنسي وناس السكة ما بتنسو واعرف تماما ان جميع الاعضاء المسجلين هم من الذين نشاؤا و ترعرعوا في ذلك الحي الراقي فذلك الحي شهد نمونا الفكري والنفسي والاجتماعي وذلك الحي هو الذي شهد بدايتنا الدراسية وحتي تخرجنا من الجامعة فله عليكم حق وعلي اخوانكم في مختلف بقاع العالم فكم سعدت جدا عند قيام هذا المنتدي ولو سالوني وقالوا لي من وين بقول من السكة حديد ولو قالوا لي اهلك من وين بقول من السكة حديد ولو قالو لي من وين عرفت مكارم الاخلاق بقول من السكة حديد ولو قالو لي اين تجد الرجال بقول في السكة حديد لقد رحلت من السكة حديد الي امتداد ناصر والي بانت واخيرا بيوت البنك العقاري في ابو سعد مربع 22 وصدقوني رغم تنقلي في كل هذه المناطق لم اجد ارحم ولا احن ولاافضل من ناس السكة حديد فالاخلاق التي كانت تسود ابناء السكة حديد لم اجد مثلها في اي مكان اخر فهم اهل الشهامة وهم اهل الكرم وهم اهل المروءة والاخلاق فنعلم جميعا ان بيوتنا ومنازلنا كانت عبارة عن بيت واحد كبير والحاجة دي ما بتلقوها في اي حتة فنحن في شوق لنسمع اخباركم ومكان تواجدكم وعملكم ولو في اي حاجة ناقصاكم ممكن نحنا نتمها ويجب ان نقف مع بعضنا البعض في الفرح والترح واعلموا ان كلمة من ناس السكة حديد تختلف عن كلام كل الناس فلكم حبي وودي واحترامي وتقديري ولا تحرمونا من المشاركات
3 مشترك
ياناس السكة حديد اصحوا
عوض احمد ابراهيم- رتبه :
- الدوله :
الهوايه :
المهنه :
الجنس :
عدد المساهمات : 29
تاريخ الميلاد : 05/03/1968
تاريخ التسجيل : 12/12/2010
العمر : 56
الموقع : السعودية خميس مشيط
العمل الحالى : جري وراء الريال
صديق رحمة- مشرف منتدى الثقافه والعلوم العامه
- رقم العضويه : 9
الهوايه :
المهنه :
الجنس :
عدد المساهمات : 40
تاريخ التسجيل : 02/11/2010
الموقع : متحدر من ذروة رهق
العمل الحالى : عاطلٌ عن الشعر
الحبيب العجيب عوض أحمد
السلام عليكم ورحمة الله وبركاته
دعوة كريمة منكـ لأبناء السكة حديد الكرماء النبلاء الذين لم نلتقى أكرم ولا أنبل ولا أشهم منهم ، ورغم أنني ما من السككـ حديد مكاناً لكنني أبن من أبناء السكة حديد بالوراثة فقد ولدت في قرية سلوم قرب بورتسودان نظراً لعمل جدي في السكة حديد ومن يومها وأنا أعشق هذه السككـ أينما أمتدت ،،، وحينما أنتقلنا الى كسلا رفض والدي بيت المدرسة لاثانوية الذي وهبته الحكومة له وسكن والدي في حي العمال وهو حي عمال السكة حديد ، وحينما أتينا للجامعة في الخرطوم لم نجد صدر حنون يتسع لنا مثل صدر السكة حديد ، السكة حديد هي شريان الحياة في كل مكان ، وكان القطار هو مصدر السعادة والفرح والمال وكان الوسيلة الوحيدة للتنقل ، ونذكر جيداً ايام التصاريح في الإجازات والغرفة النوم والدرجة أولى (طبعاً أنتو يا عوض أولاد الصوالين الجوالة ) ،،،،
أشد من أزركـ في هذه الدعوة لتنشيط العضوية وياريت لو الناس تصحى وينضم الينا كواكب السكة حديد أمثال ياسر تكروني وإيهاب سكر ، وخالد ترقو ، والنذير ، وعبدالكريم الشين ، وياريت يجينا ياسر حريشة وعبدالسلام وكوجاكـ والزنجي وحتى بحبحة بتاع إستراحة السواقين ومحمد ملح بتاع البوفية والدعوة مقدمة للكل من منازل المهندسين بالقرب من مستشفى الخرطوم وحتى البيوت أمام كلية الطب ، ومن حي البعر وحي باريس وحتى حي الامراء والخرطوم تلاتة ....
يوتيرن :-
يا عوض بالله أنت بعد فارقناكـ قام ليكـ نمو فكري جديد ولا ياهوالقديم داكـ ؟؟؟ وأذكر جيداً المقولة للفيلوس كانط التي كنت تقولها لنا قال كانط أستخدم الإنسان كل ذكائه لينتج كل هذا الغباء أمامنا
هههههههههههههه حلوة نمونا الفكري والنفسي دي وبالله كتر لينا منو وأدينا منو واحد سفري عشان نرسلو لياسين في السودان ههههههه
السلام عليكم ورحمة الله وبركاته
دعوة كريمة منكـ لأبناء السكة حديد الكرماء النبلاء الذين لم نلتقى أكرم ولا أنبل ولا أشهم منهم ، ورغم أنني ما من السككـ حديد مكاناً لكنني أبن من أبناء السكة حديد بالوراثة فقد ولدت في قرية سلوم قرب بورتسودان نظراً لعمل جدي في السكة حديد ومن يومها وأنا أعشق هذه السككـ أينما أمتدت ،،، وحينما أنتقلنا الى كسلا رفض والدي بيت المدرسة لاثانوية الذي وهبته الحكومة له وسكن والدي في حي العمال وهو حي عمال السكة حديد ، وحينما أتينا للجامعة في الخرطوم لم نجد صدر حنون يتسع لنا مثل صدر السكة حديد ، السكة حديد هي شريان الحياة في كل مكان ، وكان القطار هو مصدر السعادة والفرح والمال وكان الوسيلة الوحيدة للتنقل ، ونذكر جيداً ايام التصاريح في الإجازات والغرفة النوم والدرجة أولى (طبعاً أنتو يا عوض أولاد الصوالين الجوالة ) ،،،،
أشد من أزركـ في هذه الدعوة لتنشيط العضوية وياريت لو الناس تصحى وينضم الينا كواكب السكة حديد أمثال ياسر تكروني وإيهاب سكر ، وخالد ترقو ، والنذير ، وعبدالكريم الشين ، وياريت يجينا ياسر حريشة وعبدالسلام وكوجاكـ والزنجي وحتى بحبحة بتاع إستراحة السواقين ومحمد ملح بتاع البوفية والدعوة مقدمة للكل من منازل المهندسين بالقرب من مستشفى الخرطوم وحتى البيوت أمام كلية الطب ، ومن حي البعر وحي باريس وحتى حي الامراء والخرطوم تلاتة ....
يوتيرن :-
نمونا الفكري والنفسي والاجتماعي
يا عوض بالله أنت بعد فارقناكـ قام ليكـ نمو فكري جديد ولا ياهوالقديم داكـ ؟؟؟ وأذكر جيداً المقولة للفيلوس كانط التي كنت تقولها لنا قال كانط أستخدم الإنسان كل ذكائه لينتج كل هذا الغباء أمامنا
هههههههههههههه حلوة نمونا الفكري والنفسي دي وبالله كتر لينا منو وأدينا منو واحد سفري عشان نرسلو لياسين في السودان ههههههه
صديق رحمة- مشرف منتدى الثقافه والعلوم العامه
- رقم العضويه : 9
الهوايه :
المهنه :
الجنس :
عدد المساهمات : 40
تاريخ التسجيل : 02/11/2010
الموقع : متحدر من ذروة رهق
العمل الحالى : عاطلٌ عن الشعر
فاتني ان اعلق على شيئين أثنين
أولاً رتبة المشرف العام التي نالها الاخ عوض بفضل مثابرته وجهده ونشاطه في المنتدى وهو تقدير يستحقه ونرجو ا نيتسغل علاقاته الواسعة في الترويج للمنتدى وإقناع ناس إيهاب وتكروني وعلاء الدين وغيرهم في الإنضمام اليه وأنا متأكد عوض لو ختا حاجة في راسو بعملها ...
أما الثانية فهي هواية عوض احمد في معلوماته (ركوب الخيل) يتخيل لي عوض دا ماشاف حصان يوم واحد جائي يقول هوايتو ركوب الخيل ، وقد جاء في المثل الزراف ركوب الجن ،،، وعوض احمد باقي لي هوايتو ركوب الزراف أو ركوب الفيل لانو بيشبه الجن الاحمر الراكب محمود ...
هناكـ عمل حالي لعوض احمد حسب مايوضح بوفايله وهو الجري وراء الريال وعشضان كدة أنا بقول عوض احمد من شفتو جاري مالو ؟؟؟
يا اخوي انت إلا تكون (جاري الشح)ن بتاعة الجوال ديكـ لكن ريال كان لميت فيهو أنا بحلق شنب عمر ابو ودقن ياسر عابدين
ههههههه
أولاً رتبة المشرف العام التي نالها الاخ عوض بفضل مثابرته وجهده ونشاطه في المنتدى وهو تقدير يستحقه ونرجو ا نيتسغل علاقاته الواسعة في الترويج للمنتدى وإقناع ناس إيهاب وتكروني وعلاء الدين وغيرهم في الإنضمام اليه وأنا متأكد عوض لو ختا حاجة في راسو بعملها ...
أما الثانية فهي هواية عوض احمد في معلوماته (ركوب الخيل) يتخيل لي عوض دا ماشاف حصان يوم واحد جائي يقول هوايتو ركوب الخيل ، وقد جاء في المثل الزراف ركوب الجن ،،، وعوض احمد باقي لي هوايتو ركوب الزراف أو ركوب الفيل لانو بيشبه الجن الاحمر الراكب محمود ...
هناكـ عمل حالي لعوض احمد حسب مايوضح بوفايله وهو الجري وراء الريال وعشضان كدة أنا بقول عوض احمد من شفتو جاري مالو ؟؟؟
يا اخوي انت إلا تكون (جاري الشح)ن بتاعة الجوال ديكـ لكن ريال كان لميت فيهو أنا بحلق شنب عمر ابو ودقن ياسر عابدين
ههههههه
عوض احمد ابراهيم- رتبه :
- الدوله :
الهوايه :
المهنه :
الجنس :
عدد المساهمات : 29
تاريخ الميلاد : 05/03/1968
تاريخ التسجيل : 12/12/2010
العمر : 56
الموقع : السعودية خميس مشيط
العمل الحالى : جري وراء الريال
الاخ صديق رحمة طبعا ما جه اليوم الانحنا نعتبرك فيه من خارج ابناء السكة حديد فانت مننا وفينا ورغم تاريخ جدك في السكة حديد ولكننا عرفناك انت صديق رحمة واخلاقك هي اخلاق السكة حديد وطبايعك هي طبايع ابناء السكة حديد فنحن نعرفك انت وكفاية علينا انت اما بخصوص الاشراف العام المنصب فلا اقول الا انني ما احببت في يوم من الايام المناصب ولا اصحاب المناصب واحب ان اعمل دائما في صمت فارجو من الاخ مصعب ولد يحي عطا اخو الريح الزوحي ان يعفيني من هذا الاشراف العام واوعدكم بانني لن اتوقف عن الكتابة ابدا في هذا المنتدي ما دمت حيا اما بخصوص المقولة الشهيرة يا صديق فهي تقول (انا افكر اذا انا موجود) بعد التعديل وهاك مقولة جديدة ( كل شي يتحرك ولا شي يبقي والانسان لا ينزل النهر مرتين لان مياه النهر تتجدد باستمرار ) اما بخصوص النمو الفكري والنفسي والاجتماعي بالله كيف مش حاجة كده اما ركوب الخيل فهذه هوايتي منذ ان ولدت فكما تعلم يا اخي صديق الحديث الشريف الذي يقول علموا اولادكم السباحة والرماية وركوب الخيل فالخيل الاصيلة تحتاج الي ترويض حتي تتمكن منها فالحوار الذي يدور بين الخيل ومروضها حوار خاص يحتاج الي المرونة والنفس الطويل حتي نتمكن من ترويض الخيل وتعويدها عليك والخيل مربوط بنواصيها الخير الي يوم القيامة فهذه هوايتي التي يعرفها كل اصدقائي القدامي والجدد ويمكن ان تسال منها الكرماخ عمر ابو اما بخصوص الريال الدرهم فانحنا ده سبب اغترابنا خارج نطاق الوطن الحنون وطبعا ناس ابو وانا وقدورة وكوجاك وانت با صديق وشلي في السعودية وهاني ودنجل وايهاب في الامارات ومصعب يحي عطا ومصعب شمس العلا في قطر ما اظن ان سبب الهجرة بتاعتم الوحدة العربية مثلا والناس تقول امة عربية واحدة ذات رسالة خالدة وانا بقول امة عربية واحدة ذات ريال واحد وكما درسونا في الجامعة معاك فلوس علي الناس تدوس تبات غراب تصبح طاووس وتجد كثير من المنافقين الذين يظهرونك بانك المهدي المنتظر او نبي الله المختار الذي اختارك الله لتخليص هذه البشرية من قسوة الظروف والام السنين فالمال زينة الحياة الدنيا طبعا وجدنا بعض الفلاسفة في السعودية بيقولوا انحنا سبب الغربة بتاعتنا ما الفلوس وطبعا ديل لو انا مسموح لي ارجعهم السودان طوالي وادخلهم مستشفي التجاني الماحي لان مكانهم هناك وانا لو ما السبب بتاع غربتي الفلوس حيكون شنو يعني تشجيع السياحة العربية والاسلامية طبعا يا صديق انحنا الطبقة المثقفة صاح يا هاني وله ما صاح وكثير من الفلاسفة الذين قمنا بدراستهم في مراحلنا الجامعية كانوا مفلسين وده السبب الخلاهم يطلعوا فلاسفة اصلا لان الشخص المعاه فلوس ما بيفكر الا في تنمية امواله لذلك تجده مشغول اصلا في السفر والبنوك والمشاريع لكن العواطلية الما عندهم شغلة هم البيفكروا في الحاجات الغريبة دي لان كل وقتهم فاضي وهذا مجرد رائ قابل للصواب وقابل للخطا وانا من هذا المنطلق احي الفبلسوف نيوتن مخترع نظرية الجازبية الارضية علي الشبع الذي بتمتع به لان هذه التفاحة لو كانت وقعت من الشجرة قدام مختار الفيلسوف السوداني كان اول حاجة عملها انو اكلها وبعد كده يرفع راسه مرة اخري للشجرة ولكن ليس ليكتشف سبب وقوع التفاحة من اعلي الي اسفل ولكن عشان يشوف في تفاحة تاني فوق وما وقعت عشان يطلع الشجرة وينزلها وياكلها وعشان كده با صديق عرفت السودان ما فيه فلاسفة ليه لان من يجوع لا يمكن ان يفكر الا في الطعام انا اكل اذا انا موجود كما قال الفيلسوف هاني مبارك الذي كان لما يزعل بياكل كتير عشان كده لو ماشبن نفطر دكروني بيقول ما تزعلوا يا عوض انت عارف البيحصل شنو لمن الزول ده يزعل امابخصوص الفيلسوف كارل ماركس والشيوعيين ونظرية الصراع الطبقي والنظرية الماركسية فانا واحد من الناس علمت بفشل هذه النظرية من اولي جامعة افضال بروفسير صمويل باسليوس وكل طالب كان بيحضر محاضرات صمويل يفهم تماما ان النظرية الماركسية تعاني الفشل وانا دائما كنت ولا ذلت اعتبر ان مشكلة الماركسيين هي مشكلة حقد طبقي وان مشكلتهم نفسية اكثر منها اقتصادية ومن هذا المنطلق نحي ايضا الفيلسوف عوض احمد صاحب نظرية انا عندي ريال اذن انا انسان واذن انا موجود واذكر في هذه اللحظة مقولة اخونا مختار الذي يعيش في بلاد سام الان عندما كان موجود في السعودية ويركب سيارة مع اخونا الكرماخ عمر ابو وابو زعل جدا لان احد الافراد السعوديين اطلق له البوري بصورة مزعجة فزعل ابو وغضب وما كان من مختار الا ان قال له ليه انت زعلان المفروض انو يزعل هو لانك مضايقه في بلده ومفروض الاجانب يكون ليهم شارع فرعي يمشون عليه لان اصحاب البلد اولي واهم فما كان من ابو الا ان ضحك وهكذا نحن دائما عندنا القدرة علي تحويل المواقف المحزنة الي مواقف مفرحة ولولا ذلك لكنا الان في عداد الاموات ويكفينا شرفا اننا تغلبنا علي الظروف والجوابات اما عن سعي الحسيس في الجري وراء الريال فاذكرك بقول احد الخلفاء الراشدين واعتقد انه علي بن ابي طالب الذي قال لو كان الفقر رجلا لقتلته ده ما كلامي انا وكثير من العلاقات العاطفية كان السبب في نهايتها المال حتي ان الدراسات والابحاث الاجتماعية والنفسية اثبتت بما لا يدع مجال للشك ان الاسباب الاقتصادية لها القدح المعلي في سبب اصابة الناس بالمرض النفسي ويا صديق اوعا تكون من الناس الاغتربوا عشان مناخ السودان الحار وكثرة الاتربة والغبار وعدم توفر المواصلات المكيفة في الخرطوم وانا شخصيا اغتربت من السودان عشان سكنت في بيوت البنك العقاري ابو سعد مربع 22 وكنت طوال ثلاث سنوات امني نفسي بان اذهب الي عملي داخل البص ليس جالسا وانما داخل البص فقط لاني طوال ثلاث سنوات كنت بيركب في السلم بتاع البص وهناك ايضا سبب تاني لغربتي وهو ان الالوان بتاعة شارع الزلط اسود وابيض كانت بتجيب لي اكتئاب وكنت اتمني لو انها دهنت باللون الوردي او الاصفر مثلا طبعا حتقول ليه يعني شارع الزلط بقول انا راكب خارج الباص في رحلتي اليومية للعمل كان اقرب لي حاجة شارع الزلط وهناك سبب اخر ايضا وهو معجون الوردتين الصيني لان اعتقد جازما انه السبب رئسي لاصابة الناس بامراض القلب والسكري والضغط وهناك سبب اخر ايضا وهو اننا حبينا ما فيه الكفاية بدون فائدة لاننا لانملك المال لتتويج هذا الحب بالزواج ويا عزيزي صديق حتي في الحب تختلف المشاعر والاحاسيس والتعابير من المفلس الي الزول العندو فلوس واذكر في مرة من المرات قلت لمن احبها وهي زوجتي الان والحمد لله طبعا ما قدرت اعرس الا لمن اغتربت اتمني لو معي مال كافي لاشتري لنش ابيض ونكون فيه انا وانت فقط في عرض البحر نتبادل احاديث الهوي الجميل والحقيقة تحقق جزء من هذا الحلم فعندما خرجنا من مستشفي التجاني الماحي مولد حبنا كانت السماء قد امطرت مطرا غزيرا والدنيا كلها اتملت موية واصبحنا نعاني في الوصول للسوق لكي نركب المواصلات وضحكنا كثيرا عند ذلك اليوم وقلت لها وانا افيض حبا وحنانا علي الاقل انا احب انا اري نصف الكوب الممتلي بالماء علي ان اري النصف الاخر الفارغ وعلي الاقل تحقق جزء من حلمي والباقي ما مهم واهم من اللنش الماء لانه بدون الماء ماذا يفيد اللنش وهكذا نحن دائما نتفلسف لكي نعمل من الفسيخ شربات وبرضو بنقول غيب وتعال تلقانا نحنا يانا نحن لا غيرتنا الظروف ولا هزتنا محنة
دنجل- مشرف منتدى الحوار العام
- رقم العضويه : 3
الهوايه :
المهنه :
الجنس :
عدد المساهمات : 32
تاريخ التسجيل : 31/10/2010
العمل الحالى : بلدية ابوظبى
والله يا جماعه عوض ده جن ركوب خيل شنو وينك يا تكرونى تجى تشوف عوض وهو يحدثنا عن هوايته عن ركوب الخيل ونصف الكوب الممتلى وينك يا سيدة ووينك يا...... حتى تملآى الكوب لعوض الذى نهل منه حتى شبع ...بالله ياعوض تذكر لمن كنا ماشين انا وانت الى امبدة وفى الطريق لاقانا على ادريس وقال ماشى للشيخ البرعى رحمه الله فى تلك الايام كانت اخر ايام اغترابنا على ما اذكر...
مواضيع مماثلة
