الرئيسية
أحدث الصور
من طرف المشهد الاول
***********
شارع مدني
**********
عربية لآدا إتعطلت الساعه 5 الفجر وصاحب العربية ما عارف يصلحها ومافي واحد راضي يقيف ليهو شوية ووقفت ليهو عربية بي إم دبليو اخر موديل ونزل صاحبها - ولد كلاس وشفاتي - يعرض المساعده
بعد مداولات :-
- الحديدة دي ما حاتظبت لازم أقطرك لحدي الطرمبة ...
- شكراً جزيلاً , بس سوق على مهلك عشان ما اخبطك من الخلف ...
- مكسب يا عمك , بس لو زودت السرعه عن 80 كنتك لي أوكي ؟وانطلقوا بالفعل
وكل حاجة ماشه تمام التمام وبعد عشرة دقايق عدت عربية مرسيدس اخر موديل زي الصاروخ وولد خنفس بيمد ايدو
وبيقول :-
- الحاصل شنو يا مان ؟؟؟!!! العربية دي ماشه بي 20 ولا شنو يا حفتي ؟دي اقصى سرعة للكارو بتاعتك دي ... صاح ؟ ههههههاييي
طبعاً وائل دمو فار وشغل شريط راسطات وكبس على البنزين كتل عقرب بس... وفي ثواني كان مقفل 160 بيحاول يحصل المرسيدس ...
أما صاحب اللادا قلبو وقع بين رجلينو ... وشغال يكنتك ويضرب بوري ويشغل الهازرد وما فضل ليهو الا يفتح الكبوت ...!!
ولا حياة لمن تكنتك ..!!!
المشهد الثاني
**************
عربية الرادار
**************
الضابط في جهاز اللاسلكي ...
- جنابو علي ... هل تسمعني ؟؟ حا يمر عليك مرسيدس ماشي بي 140 سيبك منو , وبي إم دبليو ماشي بي 160 سيبك منو برضو ...
وكرفس لي بتاع اللادا البيكنتك ليهم علشان يتخطاهم دا !!!
المشهد الثالث
************
كمين الرادار
************
- ملازم علي :تمام يا افندم , ديل مروا خلاص يا افندم ... و الكمندان ابكر غمر لمن شاف اللادا!!!
المشهد الرابع الاخير
****************
مستشفى الشعب
***************
تامر بباقي السطلة (صاحب المرسيدس ) مربط ومجبص ومدغدغ بيسألوه عن الحاصل ؟؟؟قال :-
- انا كنت ماشي بي 140 , عربية بي ام دبليو ختتها لي , قلت يا مان ده شنو ؟؟؟ يظهر انا ماشي بطيئ ...
وقبل ما الحق أدوس ابنص لقيت عربية لادا معديه مني هي كمان , قلت معناهو انا واقف عديييييل...
قمت فاتح الباب ونازل اشوف عربيتي واقفها مالها ؟؟؟!!!
لقيت نفسي هنا
***********
شارع مدني
**********
عربية لآدا إتعطلت الساعه 5 الفجر وصاحب العربية ما عارف يصلحها ومافي واحد راضي يقيف ليهو شوية ووقفت ليهو عربية بي إم دبليو اخر موديل ونزل صاحبها - ولد كلاس وشفاتي - يعرض المساعده
بعد مداولات :-
- الحديدة دي ما حاتظبت لازم أقطرك لحدي الطرمبة ...
- شكراً جزيلاً , بس سوق على مهلك عشان ما اخبطك من الخلف ...
- مكسب يا عمك , بس لو زودت السرعه عن 80 كنتك لي أوكي ؟وانطلقوا بالفعل
وكل حاجة ماشه تمام التمام وبعد عشرة دقايق عدت عربية مرسيدس اخر موديل زي الصاروخ وولد خنفس بيمد ايدو
وبيقول :-
- الحاصل شنو يا مان ؟؟؟!!! العربية دي ماشه بي 20 ولا شنو يا حفتي ؟دي اقصى سرعة للكارو بتاعتك دي ... صاح ؟ ههههههاييي
طبعاً وائل دمو فار وشغل شريط راسطات وكبس على البنزين كتل عقرب بس... وفي ثواني كان مقفل 160 بيحاول يحصل المرسيدس ...
أما صاحب اللادا قلبو وقع بين رجلينو ... وشغال يكنتك ويضرب بوري ويشغل الهازرد وما فضل ليهو الا يفتح الكبوت ...!!
ولا حياة لمن تكنتك ..!!!
المشهد الثاني
**************
عربية الرادار
**************
الضابط في جهاز اللاسلكي ...
- جنابو علي ... هل تسمعني ؟؟ حا يمر عليك مرسيدس ماشي بي 140 سيبك منو , وبي إم دبليو ماشي بي 160 سيبك منو برضو ...
وكرفس لي بتاع اللادا البيكنتك ليهم علشان يتخطاهم دا !!!
المشهد الثالث
************
كمين الرادار
************
- ملازم علي :تمام يا افندم , ديل مروا خلاص يا افندم ... و الكمندان ابكر غمر لمن شاف اللادا!!!
المشهد الرابع الاخير
****************
مستشفى الشعب
***************
تامر بباقي السطلة (صاحب المرسيدس ) مربط ومجبص ومدغدغ بيسألوه عن الحاصل ؟؟؟قال :-
- انا كنت ماشي بي 140 , عربية بي ام دبليو ختتها لي , قلت يا مان ده شنو ؟؟؟ يظهر انا ماشي بطيئ ...
وقبل ما الحق أدوس ابنص لقيت عربية لادا معديه مني هي كمان , قلت معناهو انا واقف عديييييل...
قمت فاتح الباب ونازل اشوف عربيتي واقفها مالها ؟؟؟!!!
لقيت نفسي هنا
